SOLA 2026: Tag 3 "Magnet-Planet"

Ide Nacht isch üses Ruumschiff leider vom Kurs abcho: Mir sind z'nöch am Magnet-Planet verbiigfloge und sind vo sinere starke Aziehig azoge worde. D'Landig isch denn chli abrupt gsi und es paar wichtigi Teili sind verspickt. 🔩🛠
Also händ mir e Karte vode Umgebig und üsi Kompass uspackt und mit emene Rundweg die Sache wieder iigsammlet. 🗺🧭 Unterwegs hämmer sogar no paar Sterne gfunde! 🌟

Nach dem erfolgriiche Usflug händ mir üs s'Frozen Yogurt meh als verdient.🍨 
Üsi Crew hät mit de gsammlete Teili s'Magnetfeld vom Planet kurz chönne abstelle und so händ mir wieder üses eigentliche Ziel chönne apeile: Ufem Rote Planet isch d'"Iches 3" gsichtet worde! 🔴 

Nach em Abflug händ mir nochli Ziit gha und händ drum s'Astronautelebe im All chli gnosse mit Planete male, Rakete bastle, Sternzeiche ermittle und Parcour absolviere. 🖌☄️♑️

Jetzt simmer ganz gspannt, was üs ufem Rote Planet erwartet!