Üse ersti Tag isch wie im Flug vergange!
A üsem Treffpunkt in Uznach händ mir vom Bsuech us em All erfahre, dass d'Sondereinheit Ibrag 0 üsi Hilf bruucht, zum s'Sterneliecht wiederherzstelle. 💫
Sie händ aber binere Notlandig ihres Ruumschiff verlah müesse und d'Koordinate bim Zwüschehalt in Schwyz verlore 🗺
Also händ mir üs mit em Zug uf de Weg gmacht, zum die sueche. Mit Teamarbeit händ mir denn d'Koordinate vode Ruumstation chönne zämesetze und endlich zu üsere Basis für die Wuche chönne reise 🚀🪐
Bim Ruumschiff acho händ mir üs uf s'Astronautelebe vorbereitet und üsi Basis iigrichtet und dekoriert. Denn chömmer au scho mit üsere Mission starte: Mit Knall dur s'All.🪐🌎🚀
Über d'Nacht flüügemer üse ersti Planet ah, will öppis Wichtigs bruuchemer natürlich: ganz viel Esse! 🧀