Hüt hät üs de 'Felsenfritz' id Berge vo Lungarbi mitgno. Mir sind vo Brambrüesch via Dreibündenstein bis Pradaschier gwandered. Ufem Gipfel hemmer denn s zweite Steistück gfunde, indem mir eusi glernti Kartekund agwendet hend. 🗾
Somit chömmer au Level 2 abhake und de nächsti Levelufstieg staht vor eus😁.
De Nebel hets leider nöd so guet mit eus gmeint und mir hend nöd viel vode schöne Ussicht gha. Defür hemmer bim abelaufe no es paar Murmeli entdeckt.🌫 Als Abschluss vo de tolle Wanderig, sind mir bis Churwalden no mit de Rodel de Berg abegsaust.🌋
De Abig hemmer miteme gmüetliche Filmabig usklinge lah.